原來逗利是真係好開心架!

棵樹上面d利是係吾係屬於我嫁?  農歷新年真係好開心，又有靚衫著，又有利是逗，爺爺麻麻日日陪我玩！睇我地三個笑得幾開心！

八個月既我識坐喇!

早兩個星期，爸爸媽媽帶我去飲，不過個到太嘈喇！我訓著左，都嚇到成個彈起呀！我成個星期，夜晚都好驚，晚晚都喊，一定要媽咪抱住先訓得著，好可憐呀! 不過日頭我都係好似平時一樣，盡情玩，睇我笑得幾開心！

我有兩個巧靚既堂姨姨! 不過佢地玩起上黎，都幾……… >_<

大家知吾知堂姨係咩? 即係我媽咪既堂妹lor，同佢地飲茶，佢地寧願同我玩都吾食野架! 你地睇下佢兩個幾肉緊!

又係一年一道既halloween喇!

爸爸媽媽halloween係屋企無野做，就更係同我玩啦(定係”玩我”呢?)！話說呢日，爸爸係city super買左呢頂帽，不過吾係佢自己帶,係比我帶！大家覺得靚吾靚呀?!

話咁快,我七個月喇!

人人都話，我大得好快，不過爸爸媽媽就吾覺得喇! 因為我上個月病呀! 媽咪仲請左兩日大假陪我。我病過一次，就大個仔喇! 睇下我笑得幾開心!

婆婆生日

婆婆9月9日生日，不過我地昨晚已經同佢慶祝生日喇! 因為星期日可以多d人一齊食麻! 我都無買禮物比婆婆，唯有送個情心款款既眼神比佢啦! 你睇…

三隻小雞

我細個時吾鐘意坐bb車,坐親都喊,後來媽咪放左

三隻小雞 係bb車陪我,我就吾驚喇!

早睡早起身體好,我既睡眠時間係(9:30pm-4:30am)

吾知點解,我朝早4點幾就訓吾著,起左身,當然要叫醒個兩隻懶訓豬啦 (即係我爸爸媽媽) ! 因為我長期攪到佢兩個無得訓,結果,今日星期六日,佢地都帶我出去玩,星期六就去婆婆屋企,星期日就同麻麻飲茶,務求攪到我筋疲力盡,等我可以訓到六點幾,吾好攪到兩隻豬變熊貓! >_<  

去婆婆屋企之前,爸爸媽媽帶左我去公園玩 (其實,我都未識玩!)

 

 

 

一去到婆婆屋企,婆婆帶我去天台玩,望下藍天白雲
 

  

 

 

 

 

 

 

我開始食糊仔喇!

爸爸媽媽為左慶祝我開始食糊,專登買左一套碗比我。

希望我快D習慣食糊仔,同埋食多D!

 

今日九號風球呀! >o<

今日出面好大風又大雨,等我o羅條手巾出黎包住個頭先!